Cart 0

HO Blog

Tamanu Oil

Tamanu Oil

Tamanu Oil 瓊崖海棠油 瓊崖海棠又叫做紅厚殻,係一種金絲桃科嘅常綠大喬木,主要生長喺熱帶大溪地同玻里西亞珊瑚島礁沿岸。呢種樹一年只會開兩次花,花瓣顏色潔白而且氣味香甜,而佢嘅果實就係一個綠色嘅核果球體,入面總共有三層,最外層係果皮同果肉,第二層就係核果球體,而最入面個層就係米白色嘅果仁。 大溪地人常用 果仁經過簡單嘅壓榨,就可以生產出瓊崖海棠油。幾個世紀以嚟,大溪地當地嘅人民都會用瓊崖海棠油保護同保養佢哋嘅肌膚,解決皮膚問題、提高細胞色疫水平,排除皮膚毒素,解決皮膚問題。 瓊崖海棠油有分初榨、冷壓同未過濾三種,都係呈深綠色,帶有一啲結晶物質。入面含有葉綠素、芥子油、呫噸酮、吡喃香豆素衍生物同雙吡喃香豆素。其中雙吡喃香豆素可以抑制彈性蛋白酶。彈性蛋白酶係一種水解酶,有降低膠原蛋白、彈性蛋白等多種蛋白質嘅能力。如果我哋身體入面嘅彈性蛋白酶同天然抑制劑失咗平衡,酶活力就會增加,令到細胞外間質退化同發炎。所以抑制彈性蛋白酶,就可以避免肌膚嘅膠原蛋白大量流失,從而預防皺紋、皮膚鬆弛等問題 修護傷口 瓊崖海棠油含有超過十種唔同嘅活性分子,呢啲分子對於肌膚修護同重建有顯著功效,同時有抗炎同抗菌嘅作用。雖然瓊崖海棠油油質濃稠,但依然適用喺暗瘡肌膚到。佢唔單止可以消炎、抵抗同清潔面部細菌,止痛,而且可以幫助促進傷口埋口、淡化疤痕同妊娠紋,提高細胞再生嘅能力。除咗對抗暗瘡,瓊崖海棠油仲可以治療同舒緩皮膚炎、皮膚過敏、溼疹、潰瘍、帶狀皰疹、皮癬、汗疹、尿布疹、富貴手、香港腳、凍瘡、膿瘡、糖尿病性潰瘍等等嘅問題肌膚。 Tamanu Oil 海棠果素 研究指出瓊崖海棠油中嘅海棠果素B,C,E嘅分子結構同紫外光譜上嘅電子相似,能夠將太陽光中嘅紫外線過濾,所以好啱用嚟做防曬乳液。同石栗果油一樣,瓊崖海棠油都含有豐富嘅Omega-6 同Omega-9,鎖住同時補充水分,做到深層保濕、滋潤嘅效果,而且佢仲可以提高皮膚新陳代謝、修復皮膚乾燥同受損嘅表皮細胞、增加皮膚彈性,令到皮膚變得滑嫩有光澤。

Read more →


Frankincense

Frankincense

Frankincense 乳香 乳香係一種由橄欖科植物乳香產生出嚟嘅樹脂,主要產地係索馬里、也門、阿曼嘅佐法爾同埋哈德拉毛地區。喺採集嘅時候,首先要割開樹皮,等佢流出乳狀嘅汁液,呢啲汁液接觸到空氣就會變硬,形成黃中帶啲微紅嘅半透明凝塊,即係乳香。乳香喺古代時期經常用喺宗教祭典拜神,制造昇香繚繞嘅氣氛,消減邪靈; 同時都係用嚟做薰香、精油嘅原料。 淡淡果香 乳香精油散發住一陣陣清純嘅木質香氣,又會透出淡淡嘅果香,會令人感覺平穩,放鬆同舒緩。 乳香精油係屬於多分子精油,成分以單萜烯為主,同時含有α – /β –蒎烯、α –苧烯、檸檬烯、松香芹醇同乳香醇等。單萜烯精油,尤其係含有α – 及β – 蒎烯嘅 精油, 因為有似可體松嘅成份,所以有鎮靜、消炎止痛的功效。其中乳香精油就可以促進多核白血球增加,吞噬死咗嘅血球同細胞,改善新陳代謝,消炎消毒同時令到傷口快啲埋口,可以用喺皮膚、頭皮,指甲上面,都適合暗瘡或者發炎肌膚使用。 淡化細紋 唔講唔知,原來好早之前,古埃及人就識得用乳香嚟制造面膜去保持青春,咁係因為乳香有減緩細胞氧化,活化細胞嘅功能,令細胞保持健康,同時促進細胞增新、新陳代謝,改善皮膚鬆弛之餘仲恢愎肌膚彈性。更加神奇嘅係佢撫平皺紋,淡化細紋嘅功效,恢愎皮膚年輕狀態,無論係想減退面部皺紋定係妊娠紋佢都幫到手,絕對係護膚聖品! Frankincense 袪除暗啞 乳香精油係好強嘅一種天然收斂劑,意思指佢可以沉澱去組織入面部分蛋白質,促使組織皺縮。佢收斂嘅特性可以幫助收緊毛孔,平衝油脂分泌,滋潤並軟化皮膚。佢促進皮膚自然更新嘅同時仲可以舒緩乾裂乾燥嘅皮膚。佢亦係一種自然色調劑,有助袪除暗啞,保持肌膚均勻亮澤,調理乾燥、老化、暗淡嘅肌膚狀況。乳香精油非常適合用紅蘿蔔種子、玫瑰、橙花或者薰衣草等等嘅精油混合,幫助皮膚抗老回春。 雖然乳香無毒同無刺激性,但因為佢帶有調經作用,會用嚟治療經痛同緩解經前期综合症,有可能促進月經量,所以一般都唔建議懷孕前三個月用。

Read more →


Coconut Oil

Coconut Oil

Coconut Oil 椰子油 椰子樹係屬於棕櫚科嘅唯一種大型植物,生產出嚟嘅椰子係一種喺熱帶地區好普及嘅果實。成熟椰子嘅椰肉纖維好高,刨出嚟就可以提煉到椰子油。椰子油係一種食用油,喺食品制造、藥物同工業上有好多用途。 椰子油有兩種? 市面上常見嘅有兩種椰子油,第一種係初榨椰子油(Virgin coconut oil),係由新鮮喺樹上摘落嚟新鮮椰子製成;第三種就係用乾椰像提煉嘅精製椰子油(Refined coconut oil),前者相對比較新鮮,同時可以保留番本身嘅養分,後者嘅抗氧化能力相對就比較低。 修護滋養 椰子油有好多唔同嘅功效,係護膚同護髮產品成分嘅常客。首先,椰子油係唯一一種可以減少蛋白質流失嘅油,有保養頭皮同頭髮嘅功效,咁係因為當中嘅月桂酸對蛋白質有好強嘅親和力,可以滲透頭髮表層,形成疏水油膜,阻止髮絲吸水,同時降低蛋白質嘅膨賬度,令到頭髮受到保護,變得更加順滑,散發光澤。佢同時仲有豐富嘅維他命E,K同鐵質,好快俾頭髮吸收,而且可以做到深層保濕滋養嘅效果,等頭髮望起嚟更加健康。 消炎抗菌 椰子油中嘅中鍵脂肪酸,包括月桂酸,癸酸、肉豆蔻酸同辛酸有消炎抗菌嘅能力。佢哋進入身體之後會被轉化為抗菌物質,好易分解吸收,幫助我哋抵抗外來入侵嘅有害微生物,而且可以抑制多種病原微生物嘅生長,對住一般尿布疹、蚊蟲咬傷等等嘅皮膚疾病,或者因為真菌而起嘅瘡同癬嘅問題,都有效加快傷口埋口,同埋防止佢發炎。 Coconut Oil 舒緩乾燥 除此之外,佢仲有豐富嘅脂肪酸,可以喺皮膚表面形成薄膜,同埋好容易通過毛孔滲到皮膚入面,防止水分流失,軟化皮膚,幫助舒緩乾燥症況。有研究指出,將椰子油用喺皮膚乾燥症患者身上, 唔單止無任何副作用,仲有效改善皮膚含水量同皮膚表面脂質水準。 但數到最重要都係佢高含量嘅維他命E。維他命E有「護衛使」嘅稱號,咁係因為佢係一種天然嘅抗氧劑,可以減慢組織細胞老化,保持細胞完整性同埋促進細胞合成。藉住促進新陳化謝,維他命E可以幫助預防皺紋或者細紋,防止皮膚鬆弛,減少色素沉著,同埋推遲老人斑嘅出現,等我哋嘅皮膚可以keep 住細膩有彈性。

Read more →


Blue Tansy

Blue Tansy

BLUE TANSY 摩洛哥藍艾菊 摩洛哥藍艾菊屬於艾菊植物,主要產地喺摩洛哥同土耳其。摩洛哥藍艾菊嘅花本身係黃色,但因為佢高含量嘅母菊天藍烴,所以製作出嚟嘅精油呈現深不透光嘅深寶藍色,而且味道係喺菊類最甜美。 舒緩情緒 摩洛哥藍艾菊絕對稱得上精油界嘅寵兒。其中一個原因就係佢有鎮靜神經、減壓嘅作用。尤其喺香港,好多人做嘢生活都好大壓力,藍艾菊精油正正可以舒緩情緒,減低焦慮同症況。 高親膚性 另一個重要嘅原因就係摩洛哥藍艾菊對於過敏問題有顯著嘅療效,係一種極為有效嘅抗炎精油。當中佢嘅成分以單帖烯類為主,倍半帖烯同單帖酮為次。其中含量最高嘅係香檜烯 (Sabinene; 11-28%),之後就到樟腦 (Camphor; 5-17%) 同母菊藍烯(Chamazulene; 3-15%)。 呢三種成分有好好嘅抗疹、抗真菌同消炎作用,絕對可以稱之為過敏、發炎症狀嘅救命丹。雖然含有酮類,但係含量好低,所以非常安全,同時都令到摩洛哥藍艾菊嘅親膚性更高。 BLUE TANSY 舒緩皮膚 而喺處理神經性皮膚炎方面,好似異位性皮膚炎、濕疹同牛皮癬等等,摩洛哥藍艾菊都可以做到消炎嘅效果,同時可以舒緩番皮膚因為發炎而引起嘅痛楚、減輕紅腫症狀、強化組織。對於乾燥易痕嘅皮膚,佢都有保濕、修復破裂嘅血管同增加彈性嘅作用,令佢可以喺保持肌水潤嘅同時緩解炎症。 抗敏功效 消炎效果顯著,但係摩洛哥藍艾菊嘅真正賣點係佢嘅抗敏功效。發炎唔一定係過敏,但過敏就一定代表我哋嘅身體發炎。當有其它物質進入我哋嘅身體,漿細胞製造出對應嘅抗體儲就會出動,發出警報訊號。而我哋嘅身體為咗抵抗異物入侵,就會產生「組織胺」,引發種種發炎嘅狀態,好似紅腫同痕癢。而醫學研究就證明摩洛哥藍艾菊係艾菊類中含有嘅最多嘅母菊藍烯,有抗組織胺效果,能夠影響細胞膜上的受體、增加免疲力,從而令到提高抗敏能力,令到我哋嘅身體唔會過度防衛。可以克制濕疹同敏感皮膚。使用嘅時間愈長,就更加有效去調節人體的免疲系統。    

Read more →


Kukui Oil

Kukui Oil

Kukui Oil Kukui Tree生長喺東南亞同埋太平洋嘅熱帶林區,當中以夏威夷出產嘅Kukui Tree產品最為優秀,一切都可以歸功於當地嘅火山土壤,純淨嘅天然水源同埋無污染嘅天然環境。1959年,Kukui Tree更成為夏威夷嘅州樹。 傳統上夏威夷嘅當地人會首先將Kukui Nuts嘅外穀剝取,再將佢輕輕烘烤,壓榨出純淨嘅Kukui Oil。即使喺全年陽光猛熱嘅熱帶氣候之下,夏威夷人嘅皮膚依然可以保持健康美麗,原來秘訣就係靠用Kukui Oil嚟保養肌膚,避免陽光同海水鹽分對皮膚做成嘅傷害!佢哋發現呢啲油油質清純而且滲透力強,可以單獨使用或者同其它油配搭,搽喺皮膚上面唔單止有滋潤保濕嘅作用,仲可以減輕曬傷同埋發炎引起嘅唔舒服。 加速傷口癒合 因為Kukui Oil有加速傷口癒合嘅效用,古代夏威夷人就會將佢搽喺傷口到,等佢快啲埋口。到左而家,夏威夷嘅醫院經常用Kukui Oil嚟幫助接受放射線治療嘅病患,改善放療後皮膚紅腫乾燥發燙嘅症狀。 除咗當地人嘅推薦,Kukui Oil神奇嘅效果都得到科學嘅證實。實驗證明,Kukui Oil嘅亞油酸(Omega-6)、亞麻酸(Omega-3)、維生素ACDE等含量喺咁多果油中係排列前茅。 對於維持肌膚細胞同促進身體新陳代謝非常重要。唔單止可以幫助活化同修復皮膚,仲可以藉著加快細胞膠原增長,防止水份流失,維持肌膚彈性,減少肌膚皺紋、活化肌膚細胞、扭轉肌膚老化現象。 頭髮都用得? 除左皮膚,Kukui Oil仲可以用喺頭髮到。因為佢滲透力強,同時能夠減緩水分嘅流失、軟化頭皮,所以對治療牛皮癬有一定效用。就算平時將佢塗搽響頭髮度,都可以令頭髮變得柔順亮麗。 Kukui Oil 保濕 除此之外,Kukui Oil滋潤保濕功能數一數二,對於皮膚因水分喪失而導致嘅不適症狀,好似濕疹、皮癬及皮膚乾裂等等,有非常好嘅治療效果。濕疹令到患者身體痕癢,皮膚仲會變得敏感乾燥,一發炎起上嚟好容易會留有疤痕。Kukui Oil蘊含豐富奧米加可深層滋潤肌膚,更加有淡化疤痕嘅效果。當中嘅葉綠素可以加速傷口癒合。配合其它天然產品使用更加可以達到鎮靜舒緩嘅效果。 Kukui Oil神奇嘅效果,加上特殊唔油膩、柔軟絲滑嘅肌膚觸感,絕對比大部分天然材料優勝,令到佢成為天然護膚品上不可或缺嘅成員。

Read more →