Cart 0

HO Blog

Hibiscus Oil

Hibiscus Oil

Hibiscus Oil 木槿花油 木槿花係一種常見嘅座院灌木花種,主要分怖喺熱有同亞熱帶地區,因為佢好多唔同種類,所以呈現出豐富嘅遺傳多樣性,有成二百幾個品種。其中單瓣紅花系列品種喺1990年被定為韓國國花。木槿花可以用嚟做食材、中藥材料,都可以拎嚟做精油或者護膚品。而木槿精油就喺係木槿花同種子入面提取。 增加膠原蛋白 木槿充滿天然維他命C、抗氧化成分同α-羥基酸(Alpha-hydroxy acids),無論係外敷定內用都有好多益處。 醫學研究指出,α-羥基酸分子量細,屬於水溶性,滲透力高,可以滲入真皮層,令膠原蛋白增加。佢同時可以加快真皮層嘅保濕成分生成同活化皮膚細胞。皮膚嘅最表層係角質層,最底就係基底層,基底層嘅細胞會不停進行分裂,向外推出,並且喺途中被蛋白角化,最後到達角質層。角質層過厚就會令皮膚睇上嚟好「鞋」好乾; 而且如果毛囊出口處嘅細胞過度角化,就會阻塞出口,令到皮脂唔能夠順利排出,毛囊就會因為咁腫脹發炎,造成暗瘡。α-羥基酸由有機酸同丙酮酸濃縮而成,係高濃度嘅軟化液,可以軟化角質層,減少老化細胞嘅積累,溫和咁帶走死去嘅細胞同其它阻塞肌膚嘅物質,令到新嘅細胞成為最外層,皮膚咁樣就會睇上嚟更加平滑;而毛囊孔疏通就可以改善暗瘡問題。角質層仲含有部分黑色素,所以去除角質有淡化黑斑嘅作用,令肌膚變得白滑。 木槿中嘅α-羥基酸仲可以激活細胞線粒體中嘅LON蛋白酶活力,強化細胞清除毒素嘅能力,就好似一個抗污染嘅保護罩咁,幫助皮膚保持乾淨,抵抗污染分子能力提高,尤其喺對付一啲日常生活或者同城市污染相關嘅危害物質有相當顯著嘅功效。 Hibiscus 深層保濕 木槿精油嘅粘液含量好高,可以令水分好快咁滲入皮膚,深層保濕, 同時啟發肌膚自身水潤力同埋強化肌膚保濕能力嘅功效。木槿可以喺肌膚表層形成保濕膜,提高皮膚濕度,令皮膚變得水潤柔軟,預防乾燥同時淡化皺紋。 木槿絕對係一等一嘅天然抗氧化劑,能夠撫平皺紋,去角質、淡化黑斑、潔淨保濕,幫助皮膚恢復健康。同時因為佢可以大幅改善皮膚緊緻度同埋拉緊肌膚,所以木槿有「天然肉毒桿菌」之稱。

Read more →


Safflower Oil

Safflower Oil

Safflower Oil 紅花油 紅花係菊科紅花一年生草本楂物,主要生產喺中國,總產量佔世界嘅80%以上。紅花唔單止有好高嘅觀賞價值,仲有好實用嘅藥用價值。而紅花籽油就係喺紅花乾燥成熟嘅果實入面提取嘅,但由於紅花籽本身嘅成油率好低,所以紅花籽油嘅產量都極其有限,非常珍貴。佢係一種健康優質嘅食用油,亦都會被人用嚟做天然護膚品嘅材料。 豐富亞油酸 紅花籽油有「亞油酸之王」嘅稱號,因為佢嘅亞油酸含量高達67.8%,喺係已知植物中含量最高嘅。首先要知道我哋人體嘅生命活動係靠八種生命基料支撐住,包括蛋白質、水、礦物質、維他命、糖、脂肪、纖維素同不飽和脂肪酸。當中有幾種不飽和脂肪酸 (叫做「必須不飽和脂肪酸」),好似亞麻酸、亞油酸同花生四烯酸,係人體唔能夠自己製造,所以必須用其它方法去吸收。其中亞油酸係最唔能夠缺少,因為佢可以喺體內合成其它兩種必須不飽和脂肪酸。 亞油酸係細胞組成嘅原材料,所以缺少咗佢會有可能令到線粒體腫脹、細胞膜結構或者功能改變,變得透薄脆弱。相反,佢有強化新陳代謝、增加細胞活力嘅功效,可以防止因為表皮層增厚而搞到皮膚暗淡粗糙,皮脂腺、汗腺阻塞,引起暗瘡爆發。亞油酸亦都有助調理內分泌、減少皮膚過度出油嘅情況、保護皮膚上有益菌嘅同時抑制有害細菌嘅生長,抗炎消毒,對於皮膚炎或者濕疹肌膚都有治療作用。 Safflower Oil 豐富維他命E 唔單止係亞油酸,紅花籽油含有嘅維他命E亦都係咁多種植物入面最多嘅。維他命E係一種好強嘅還原劑,有優秀嘅抗氧化用抗衰老作用,能夠令老化嘅細胞或者組織重新展現活力,抑制人體氧化反應,延緩皮膚衰老。佢同亞油酸一樣,都可以促進新陳代謝,避免黑色素喺皮膚表層沉積,就算對已經形成嘅色斑都有一定嘅淡化功效。佢亦都有收斂作用,通過改善皮膚血液循環,亦都可以阻止皺紋、魚尾紋出現,長期使用甚至可以消除佢哋,同時增加皮膚活力同彈性,令肌膚變得爽滑細嫩,成個人即刻後生番幾年!不得不提嘅就係維他命E有抗輻射嘅成用,可以消滅自由基,吸收太陽紫外光線,抑制皮膚氧化做成嘅損傷。

Read more →


Reishi Mushroom

Reishi Mushroom

Reishi Mushroom 靈芝 相信大家對靈芝都唔會陌生,無論係喺東方定西方,佢都被盛讚為「治萬病」嘅草藥。其實靈芝係屬於多孔菌蕈類,作為藥用已經有兩千幾年嘅歷史,由於風乾之後可以保持上萬年都唔腐壞,所以佢有過別稱叫做「萬年茸」。靈芝係一種非常稀有嘅草藥。只能夠喺特定嘅闊葉樹到發芽生長;每幾萬棵機入面,搵到有靈芝生長嘅都係個位數,而且大小形狀都唔同。 近年因為人工培植技術嘅進步,靈芝可以大量生產。對於野生靈芝同人工培植靈芝邊樣好啲,唔同人有唔同講法。有人話野生靈芝嘅營養價值比較高,有人就話人工培植嘅品質好啲,因為可以控制生長條件,品質會比較穩定同安全。 養生功效 好耐之前,古代人已經知道靈芝有養生、抗老同延年益壽嘅功效,而呢啲可以歸功於佢主要嘅三種成分,包括多醣體(Polysaccharides),三萜類化合物 (Triterpenes)同靈芝多肽(Ganoderma lucidum peptide)。其中靈芝多肽係一種強效嘅抗氧化物,有抵抗自由基嘅功效。自由基其實係一種人體代謝過程之中產生嘅氧化還原反應產生嘅,會令到蛋白質呢啲大分子生命物質死亡,同時破壞細胞膜嘅功能,從而引起血脂質沉澱。隨著年紀愈大,我哋身體嘅自由基就會愈多,而靈芝多肽就可以阻止自由基對機體嘅損傷,防止脂體過氧化,延緩細胞衰老。唔單止係咁,靈芝多肽仲可以提高肝臟、骨髓、血液合成DNA、RNA同蛋白質嘅能力,增加細胞分裂代數,減慢身體機能老化。 修護傷口 而靈芝入面嘅多醣體可以促進血液循環,強化新陳代謝,令到身體功能正常化、減慢身體老化。多醣體可以保持同調節皮膚水分,保濕同時恢復肌膚彈性;而靈芝含有嘅一啲寡糖類小分子物質可以改善皮膚微循環,抑制黑色素嘅形成同沉澱,解決黑斑同雀斑等問題;靈芝嘅精油成分可以改善皮膚粗糙、令肌膚變得柔軟細緻,回復青春。 Reishi Mushroom 增加免疫力 除咗抗衰老同養顏護膚,靈芝仲有消炎同抗敏感嘅功效。佢當中含有一連串毛甾烷系化合物,可以抑制體內嘅組織胺游離作用,能夠阻斷過敏反應介質嘅釋放。因為靈芝可以提升巨噬細胞同樹突細胞嘅功能、增加細胞性嘅免疫力、調節原抗體反應,非常適合用嚟治療濕疹、牛皮癬同暗瘡肌膚。

Read more →


Evening Primrose

Evening Primrose

Evening Primrose 月見草 月見草係一種原產於北美洲同墨西哥嘅柳葉菜科植物。呢一種植物淨係會係夜晚開花,天光會即刻凋謝,啲人再由植物嘅種子入面提煉出精華成分。喺幾千年前,古印地安人已經識得用呢一種草藥嚟解決病痛;而歐洲嘅貴族都會用佢嘅根莖葉部分嚟入藥,所以月見草又俾人叫做帝王萬靈藥。 獨特脂肪酸 研究指出,月見草籽所搾出嚟嘅月見草油含有豐富嘅GLA(y-次亞麻油酸)。GLA係一種不飽和脂肪酸,身體唔能夠自行製造呢啲脂肪酸,所以只可以係植物油度提取。佢係一種皮膚需要嘅脂肪酸,構成好多人體細胞膜嘅重要部分。最種震嘅係佢能夠轉換為抗炎激素嘅第一類前列腺素PG1,而PG1有抗凝血同抗發炎嘅效果。 調節荷爾蒙 因為佢豐富嘅GLA帶有好多神奇嘅功效,所以月見草可以話係女性嘅恩物。首先,月見草油有緩解經期綜合症嘅作用,平時月事嚟個陣或者之前,好多女仔都會有煩躁、脾氣差、乳腺疼痛嘅症狀,咁係因為經期身體荷爾濃度變化引起嘅失調。月見草油中嘅y-次亞麻油酸就有調節荷爾蒙平衡嘅功效,尤其係對於月經不調或者更年期嘅女士特別有效。仲有,月見草油可以平行皮脂,舒緩皮膚乾燥,對於改善皮膚過乾或者過油、暗瘡肌、指甲脆弱都有幫助。 Evening Primrose 舒緩濕疹 另一個月見草嘅用處就係治療濕疹。臨床研究指出濕疹患者通常都唔能夠自行產生足夠嘅抗發炎激素,即係指佢哋身體將脂肪酸轉換為y-次亞麻油酸嘅能力較低。藉著補充月見草油入面嘅y-次亞麻油酸,可以幫助維持細胞膜嘅健康,令到細胞保持多啲水分,提升循環功能,舒緩皮膚過敏引起嘅皮膚痕癢、紅腫等等問題,對於治療濕疹狀況有一定嘅幫助。同時因為月見草成分溫和,好少會引起皮膚敏感,所以可以安心使用。 含豐富維他命 除咗y-次亞麻油酸,月見草仲含有豐富嘅維他命E同C,係優良嘅抗氧化劑同滋潤劑,可以加快皮膚嘅新陳代謝,促進血液循環,修復細胞,令到老化細胞恢復生命力,成個人即刻睇落後生啲。 但係要注意嘅係,因為月見草油會調整女性體內荷爾蒙嘅水平,所以孕婦同喂梗奶嘅媽媽最好都係唔好用住,以免影響胎兒或者BB嘅健康。

Read more →


Tamanu Oil

Tamanu Oil

Tamanu Oil 瓊崖海棠油 瓊崖海棠又叫做紅厚殻,係一種金絲桃科嘅常綠大喬木,主要生長喺熱帶大溪地同玻里西亞珊瑚島礁沿岸。呢種樹一年只會開兩次花,花瓣顏色潔白而且氣味香甜,而佢嘅果實就係一個綠色嘅核果球體,入面總共有三層,最外層係果皮同果肉,第二層就係核果球體,而最入面個層就係米白色嘅果仁。 大溪地人常用 果仁經過簡單嘅壓榨,就可以生產出瓊崖海棠油。幾個世紀以嚟,大溪地當地嘅人民都會用瓊崖海棠油保護同保養佢哋嘅肌膚,解決皮膚問題、提高細胞色疫水平,排除皮膚毒素,解決皮膚問題。 瓊崖海棠油有分初榨、冷壓同未過濾三種,都係呈深綠色,帶有一啲結晶物質。入面含有葉綠素、芥子油、呫噸酮、吡喃香豆素衍生物同雙吡喃香豆素。其中雙吡喃香豆素可以抑制彈性蛋白酶。彈性蛋白酶係一種水解酶,有降低膠原蛋白、彈性蛋白等多種蛋白質嘅能力。如果我哋身體入面嘅彈性蛋白酶同天然抑制劑失咗平衡,酶活力就會增加,令到細胞外間質退化同發炎。所以抑制彈性蛋白酶,就可以避免肌膚嘅膠原蛋白大量流失,從而預防皺紋、皮膚鬆弛等問題 修護傷口 瓊崖海棠油含有超過十種唔同嘅活性分子,呢啲分子對於肌膚修護同重建有顯著功效,同時有抗炎同抗菌嘅作用。雖然瓊崖海棠油油質濃稠,但依然適用喺暗瘡肌膚到。佢唔單止可以消炎、抵抗同清潔面部細菌,止痛,而且可以幫助促進傷口埋口、淡化疤痕同妊娠紋,提高細胞再生嘅能力。除咗對抗暗瘡,瓊崖海棠油仲可以治療同舒緩皮膚炎、皮膚過敏、溼疹、潰瘍、帶狀皰疹、皮癬、汗疹、尿布疹、富貴手、香港腳、凍瘡、膿瘡、糖尿病性潰瘍等等嘅問題肌膚。 Tamanu Oil 海棠果素 研究指出瓊崖海棠油中嘅海棠果素B,C,E嘅分子結構同紫外光譜上嘅電子相似,能夠將太陽光中嘅紫外線過濾,所以好啱用嚟做防曬乳液。同石栗果油一樣,瓊崖海棠油都含有豐富嘅Omega-6 同Omega-9,鎖住同時補充水分,做到深層保濕、滋潤嘅效果,而且佢仲可以提高皮膚新陳代謝、修復皮膚乾燥同受損嘅表皮細胞、增加皮膚彈性,令到皮膚變得滑嫩有光澤。

Read more →