Herbs’Oil不經不覺就踏入第6年啦，由當初handmade肥皂，到今日成為一個獨立品牌，其實都係多得大家一直努力同你地每一位嘅支持。有留意Herbs'Oil嘅朋友都知道我地會定期收集客人意見，以不斷提高產品及服務質素，而呢D改變已經開始實行，而一部份需要較長時間嘅計劃亦開始進入準備階段。

【10月份左右】大家都會見到我哋嘅包裝陸陸續續以新面貌登場，大部分包裝都會係玻璃瓶，少數產品要顧及使用安全仍會使用塑膠。現階段，我哋仍然物色緊更好嘅包裝物料代替部分嘅塑膠包裝，我哋唔止希望做到由原材料sourcing及生產上盡量減低對大自然嘅影響,亦希望不久將來喺包裝上做到真正嘅 sustainability。要做到完全sustainable並非一件容易嘅事，當中亦要考慮運輸嘅方法，成本增加及多種因素，但長遠來講係絕對需要實行。

疫情第一年嘅時候，我哋亦曾經面對好多生產線延誤及甚至因為疫情停止生產嘅問題,令大家都等到頸都長，最後我哋聘請美國生產專家商討及合作下，將會以Tech transfer（技術轉讓）嘅方法將某部份產品於其他合適嘅製造商生產，除咗包括美國,當中亦會有澳洲、台灣、日本及加拿大等生產商製造，不同生產商會有不同的個別產品專門技術。生產商除左需要符合高質生產資格，當中大部份選擇嘅製造商都以綠色生產為考量，並設立太陽能設備，

務求將carbon footprint 減至最低。

經過一年嘅努力及專家嘅幫助之下，嚟緊會有好多新產品同大家見面，當然大家對 Herbs’Oil 嘅最愛產品我哋都唔會忘記，有部份停產嘅產品都會改良後上架，希望大家拭目以待。【退換信心保證】另外為咗客人有更好嘅購物經驗，我哋亦會由14天保證加長至20天，提升客人對品質保證嘅信心。 【產品銷售分配】Herbs'Oil 亦都已經準備緊美國嘅出貨站，美國嘅客人之後就可以唔洗再俾咁貴嘅運費啦！澳洲同英國嘅朋友，我哋緊係冇唔記得你哋啦，俾啲時間我哋。 我哋已經努力緊逐步逐步實踐。呢一兩年移民咗嘅朋友，希望你地嘅新生活都過得更開心～

最後，多謝你哋一直嘅支持同陪伴。將來仍然有好多未知之數，我哋嘅心情都係非常緊張但好興奮。Herbs'Oil 上下都會繼續為各位努力，帶更加多好嘅產品俾大家。有新嘅資訊我哋會繼續update