Silicone其實係咪真係咁得人驚?
Silicone其實係咩黎？對頭髮毛躁同護髮有咩影響
空氣係chemical , 水係chemical , 就算連我哋人體都係有不同嘅化學物組成，好多時候廣告同新聞都過度扭曲化學物呢三個字，總之就嚇死人啦，一齊深入了解吓Silicone啦！
佢係由砂經過化學處理後形成不同種類嘅矽，而矽係有好多形態及作用，而當然佢亦有Cosmetic Grade啦。無論係化妝品、護髮產品、護髮素（hair conditioner）、hair serum、hair treatment 或防曬入面都好常見。除咗可以令活性成份有效係皮膚上發揮最大功效之外，仲可以令肌膚同頭髮變得平滑、有光澤，改善頭髮毛躁問題。
普遍好多人都會驚「矽呢種化學成份會令皮膚敏感」，但其實佢係一種FDA認可既成份，而且有好多醫學研究都指出Silicone係極低敏，甚至醫院係治療傷口上面都會用。
咁當然如果本身對Silicone呢個成份有敏感就絕對唔建議使用啦。
Silicone會堵塞毛孔或引致暗瘡嗎？
第二樣最常聽人講嘅就係「矽會令皮膚毛孔堵塞，搞到爆暗瘡。」
Silicone會形成一層好薄既透氣膜，而活性成份其實係可以穿透Silicone深入皮膚，而且矽並唔係因為成份本身會堵塞毛孔，主要係因為矽相對黎講比較難清洗。
所以當洗唔乾淨既時候就會因為過份積聚係皮膚表面而引致呢個情況。因為就算係天然化妝品，如果唔徹底清潔乾淨，都係會令你毛孔堵塞而影響皮膚健康。
咁點解護髮產品或者洗頭水產品入面唔加入矽？
雖然Silicone對受損既髮質有一個好好既保護作用，可以即時令頭髮順滑、減少毛躁，所以好多護髮素、hair conditioner 同深層 hair treatment（髮膜）都會加入矽去提升效果。
但由於香港既天氣長時間潮濕，Silicone會容易令個頭變塌，影響燙染頭髮後既效果，質感會較重唔夠「空氣感」，清洗方面就真係要再落力啲，特別頭油比較多嘅朋友未必會適合使用，所以我哋用其他植物成份去取代矽，令頭髮更加易清洗同打理。
呢篇文章係希望大家明白，並唔係所有化學物都有害，正如並非所有植物都一定係安全同有效，除咗有害嘅化學物質，植物都可以有毒或者令皮膚敏感，配方不當的護膚品或生活用品，都有機會影響健康。
選擇產品嘅時候最重要係選擇只要成份安全、有效及溫和，不對人體有害為考慮重點。
了解更多Herbs'Oil 無添加矽的護膚育髮產品:)常見問題 FAQ
Silicone（矽靈）會傷頭髮嗎？
Silicone本身屬低敏感成分，主要作用係令頭髮更順滑、減少頭髮毛躁，同時形成保護膜鎖住水分，並唔會直接傷害頭髮。只要清潔得當，一般都可以安心使用。
含矽護髮產品會堵塞毛孔或引致暗瘡嗎？
Silicone形成的是透氣薄膜，唔會直接堵塞毛孔。真正問題多數來自清潔不足或殘留積聚。無論天然或化學成分，只要洗唔乾淨，都有機會影響皮膚健康。
點解有啲護髮素或hair conditioner唔加矽？
含矽產品雖然可以即時順滑，但質感較重，香港潮濕天氣下容易令頭髮變塌或出油，所以部分品牌會改用植物或胺基酸成分，推出無矽護髮產品，感覺會較清爽自然。
頭髮毛躁適合用咩護髮方法？
可以選擇滋潤型護髮產品、hair serum 或深層護理加強保濕，同時避免高溫造型及定期頭皮清潔，改善毛躁效果會更明顯。
無矽護髮產品一定比較好嗎？
其實冇絕對好壞。含矽產品修護力較強、即時順滑；無矽產品則較清爽、易清洗。建議按自己髮質、頭皮狀況同使用習慣去選擇最合適的護髮產品。
