單靠黑芝麻生髮？其實未夠！

單靠黑芝麻生髮？其實未夠。

好多人一開始養髮，第一個反應就係：「係咪食多啲黑芝麻就得？」又或者：「我已經有食 Biotin，點解仲係甩頭髮？」

黑芝麻養髮係有根據的。含豐富天然黑色素前驅物、不飽和脂肪酸、維他命E同鈣質，對頭皮健康同髮絲滋養都有支持作用。

但其實，養髮唔係單靠一粒 supplement、單靠一種食物就可以解決。如果你一直甩髮、頭髮越來越幼、頭皮又唔穩定，問題好多時唔係你冇補充，而係你可能補錯方向！

養髮3大常見誤區

誤區 1｜以為食黑芝麻 / Biotin 就等於養到頭髮

黑芝麻、Biotin 的確都同頭髮健康有關，但如果你身體真正缺乏的根本唔係呢樣，再食都未必有明顯幫助。養髮從來唔係單一營養問題，有時可能係你缺鐵、鋅、維他命D、蛋白質，甚至根本唔係營養問題。

唔係有補就夠，補得啱先有會見效。

誤區 2｜以為甩髮只關「營養不足」

甩髮唔一定只係身體唔夠營養。頭皮環境差，同樣會直接影響毛囊狀態。頭油太多、頭皮發炎、頭皮屑反覆，都係影響頭髮生長嘅因素。只係不停食 supplement 但冇理頭皮問題，頭髮都未必生得穩。

頭皮環境差，毛囊自然難發揮。

誤區 3｜以為補得越多越好

有啲人一開始甩髮，黑芝麻、Biotin、維他命、膠原全部一齊上。但要記住補得多唔等於補得正確，唔清楚自己缺乏咩營養，亂補反而可能令自己誤判真正問題！

養髮最怕唔係補得少，而係亂補。

以下屬於頭髮營養的重要原素：

1/鐵質

頭髮係末端器官，鐵質不足時身體會優先供應重要器官，頭髮最後先分到養分。容易見到掉髮增加、頭髮變幼冇力、面色暗沉。

2/維他命 B12 

參與紅血球生成，影響頭皮血液循環同毛囊養分輸送。缺乏時即使補其他養髮成分，效果都會大打折扣。

3/蛋白質

頭髮主要成分係角蛋白，蛋白質唔夠，頭髮自然幼、軟、易斷，髮尾乾弱，冇厚度。

4/鋅 

支援皮脂平衡同毛囊修復，缺乏時頭皮容易出油起屑，髮絲質感變差。

5/ 維他命D

維他命D同毛囊細胞嘅生長週期直接相關。研究顯示，缺乏維他命D嘅人士，出現脫髮同頭髮稀疏嘅情況明顯較多。

黑芝麻可以係養髮其中一步，但真正生髮關鍵，從來都唔止一樣。

鐵質、B12、蛋白質、鋅同維他命D，每一樣都係頭髮生長同樣重要的一環。補得啱，先真正見效！